شماری از زنان شطرنج‌باز افغانستان در دومین دور رقابت‌های بین‌المللی جام ریاست‌جمهوری تاجیکستان که در شهر دوشنبه برگزار می‌شود، شرکت کردند. دفتر مطبوعات سفارت افغانستان در تاجیکستان با نشر اعلامیه‌ای گفته است که این ورزشکاران به سرپرستی ملالی سنگین، اتشه فرهنگی این سفارت، در این رقابت‌ها حضور دارند. در اعلامیه آمده است که فعالیت‌های شطرنج در افغانستان با محدودیت و توقف روبرو شده است. به گفته‌ی این سفارت، این مسابقات با اشتراک نمایندگان کشورهای مختلف آغاز شده و تا ۱۷ نوامبر ادامه خواهد داشت. این حضور در حالی صورت می‌گیرد که حکومت سرپرست پس از بازگشت به قدرت، فعالیت‌های ورزشی زنان را در افغانستان ممنوع کرده‌اند. همچنین باشگاه‌های ورزشی زنان تعطیل شده و آنان از شرکت در رقابت‌ها و فعالیت‌های ورزشی در داخل کشور محروم‌ شدند.